DEN HAAG - Sybrand Buma lo bira e   vicepresidente nobo  di Raad van State. Esaki a wordo anuncia pa Rob Jetten durante su conferencia di prensa seminal diabierna. Buma lo sigui Thom de Graaf, kende lo laga su puesto e aña aki. Raad van State ta e organo cu ta duna conseho na gobierno y Parlamento. Tambe e ta e huez administrativo mas halto di pais. Segun Constitucion, Rey ta e presidente, pero vicepresidente ta encarga cu maneho diario. Buma (60) awor ta ainda alcalde di Leeuwarden. E tabata lider di fraccion di CDA den Tweede Kamer entre 2010 y 2019. Durante formacion di gobierno mas recien, Buma a actua como informador.

WILLEMSTAD – Secretario di estado hulandes Eric van der Burg a reuni cu gobierno di Curaçao pa discuti ehecucion di e landspakket y su siguiente fase. E reunion a tuma luga durante un bishita di trabou, unda e secretario di estado a sostene combersa cu Conseho di ministernan.

WASHINGTON - E International Monetary Fund (IMF)  y World Bank lo cuminsa traha atrobe cu Venezuela despues di 7 aña sin relacion oficial. E cooperacion a wordo para na 2019 paso hopi pais no a reconoce gobierno di Nicolás Maduro.

BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.

WILLEMSTAD – Curaçao a ricibi casi 80.000 turista di estadia den luna di maart, un subida di dies porciento compara cu mes periodo aña pasa. Cu esaki, demanda pa e isla ta keda fuerte, specialmente for di Merca, cu e luna aki a pasa Hulanda como mercado mas grandi. Segun cifranan di Curaçao Tourist Board, un total di 79.763 bishitante di estadia a yega na e isla. Mayoria di nan ta bishita pa vacacion y ta keda promedio casi ocho nochi. Turismo ta sigui aporta un contribucion estable na sectornan manera horeca, transporte y excursionnan.

WILLEMSTAD – E prome peliculanan di programa Studio Caribe lo wordo presenta pa prome biaha durante Curaçao International Film Festival, marcando un logro importante pa cineastanan di Caribe Hulandes.