- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
Anguilla a baha costo di importacion: Aruba por haci mescos?
ORANJESTAD – Gobierno di Anguilla a anuncia un medida temporal pa alivia costo di bida, eliminando gasto di transporte (freight) y seguro for di calculo di impuesto di importacion. E decision, comunica door di Departamento di Aduana di e isla, lo drenta na vigor dia 10 di april 2026 y lo dura tres luna.
Durante e periodo aki, impuesto lo wordo calcula solamente riba balor di producto mes, sin inclui gasto adicional. Segun autoridadnan, e medida ta busca reduci costo di producto importa y duna alivio na casnan y negoshinan.
E gobierno a aclara cu e regla lo aplica solamente pa mercancia importa for di 10 di april 2026 en adelante. Producto cu a yega prome di e fecha aki no lo califica pa e alivio.
E decision di Anguilla ta bini den un momento unda presion global, incluyendo subida di prijs di energia y transporte, ta impacta costo di bida den varios pais. Na Aruba, reciente aumento di prijs di combustibel tambe ta pone presion riba prijs di producto y servicio.
Den e contexto aki, e medida di Anguilla ta pone un punto di comparacion pa Aruba, unda impuesto di importacion ainda ta inclui costo di transporte y seguro. Esaki ta nifica cu subida di costo internacional por tin un efecto directo riba impuesto y finalmente riba prijs pa consumidor.
Gobierno di Aruba ainda no a anuncia medida similar pa contrarresta e reciente subida di combustibel, pero e decision di Anguilla ta mustra un opcion concreto pa alivia presion riba costo di bida.
Iran: Estrecho di Hormuz ta habri pa nabegacion comercial
TEHRAN - E minister di Asuntonan Exterior di Iran, Abbas Araghchi, a anuncia cu e Estrecho di Hormuz lo habri pa nabegacion comercial. Segun Araghchi, Iran a tuma e desicion aki paso cu a logra un alto di fuego temporal entre Libano y Israel. “Den linea cu e alto di fuego na Libano, paso di barconan comercial ta completamente habri pa e periodo restante di e acuerdo,” Araghchi a scirbi. For di su mensahe riba X, no ta completamente cla si e ta referi na e alto di fuego entre Merca y Iran, cu ta termina 21 di april, of na e acuerdo entre Israel y Libano, cu a cuminsa anochi y ta dura dies dia. Despues cu e minister a publica su mensahe, prijs di petroleo a baha cu 10 porciento. Ainda no ta cla kiko e anuncio di Iran ta significa pa e blokeo maritimo di e Estrecho di Hormuz cu Marina di Merca a implementa. E presidente di Merca tambe a reacciona riba e noticia via su plataforma Truth Social.
IMF y Banco Mundial ta reanuda cooperacion cu Venezuela despues di 7 aña
WASHINGTON - E International Monetary Fund (IMF) y World Bank lo cuminsa traha atrobe cu Venezuela despues di 7 aña sin relacion oficial. E cooperacion a wordo para na 2019 paso hopi pais no a reconoce gobierno di Nicolás Maduro.
Funcionario di gobierno argentino envolvi den escandalo pa biahenan haci pa Aruba
BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Follow NoticiaCla
