Union Europeo ta traha ley nobo pa vuurwerk, cu posibel prohibicion riba tipo cobra

BRUSELAS  - Union Europeo ta prepara regla nobo pa vuurwerk despues di preocupacion creciente riba uso criminal. Varios pais manera Hulanda, Suecia y Francia a pidi pa regla mas stringente, paso vuurwerk pisa ta wordo usa mas y mas pa crimen, incluyendo atake y exploshon.

Comision Europeo ta reconoci cu e ley actual tin deficiencia serio: ta facil pa vuurwerk cay den mannan ekiboca, no tin sistema bon pa sigui origen di e producto, y hende por cumpra vuurwerk ilegalmente online sin permiso.

Den e proposicion nobo, tin enfoke riba control mas fuerte, mehor cooperacion entre paisnan y posibilidad di prohibi vuurwerk mas peligroso manera cobra. Tambe ta considera introduci un “paspoort di vuurwerk” pa profesionalnan y mehora rastreo di origen di vuurwerk.

Ainda lo tuma tempo prome cu e ley drenta na vigor—posiblemente rond 2030—pero presion politico ta sigui aumenta paso e problema ta bira cada vez mas serio den Europa.