Tension ta subi: Marina di Merca ta menaza blokeo naval contra Iran

WASHINGTON - Tension entre Iran y Merca a subi rapido despues cu marina americano a menaza cu un blokeo riba laman. Autoridad militar a indica cu for di dialuna 4’or tur barco cu ta bay of bin for di puerto Irani  lo wordo detene. E menaza aki ya ta causa subida den prijs di petroleo y temor cu conflicto por laira atrobe.

KICO MERCA TA PLANEA?

Simplifica, presidente Donald Trump ta pone mas presion riba Teheran pa forza un acuerdo. Fin di siman pasa, negociacion na Islamabad a dura mas cu 20 ora, pero sin resultado pa caba guerra definitivamente. Aun no tin anuncio di un reunion nobo. Un dia despues di e negociacionnan, Donald Trump a anuncia riba social media un posible blokeo. Segun Washington, tur puerto irani den Golfo Persico, Estrecho di Hormuz y Golfo di Oman lo wordo blokea. Den Estrecho di Hormuz — un ruta esencial pa trafico mundial di petroleo — marina di Merca ya lo a cuminsa, segun nan mes, cu un mision pa limpia mina den laman. Si esaki ta berdad, barco di guerra americano ta drenta den zona unda nan por wordo ataca pa artilleria, misilenan y dronenan di Iran.