Homber a cancela biahe pa Aruba di ex socio y ta arresta pa robo di identidad

LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.

Robert Fisher, di 42 aña, a wordo arresta diahuebs 7 di mei y acusa di robo di identidad di prome grado, segun Departamento di Polis di Suffolk County.

Segun polis, e socio comercial di Fisher a yega na aeropuerto JFK dia 22 di maart 2025 pa un biahe di aproximadamente 4.000 dollar pa Aruba. Sinembargo, ora e la yega na aeropuerto, nan a informa cu e biahe tabata cancela sin su conocimiento, aproximadamente tres ora prome.

Investigacion a revela cu Fisher mes a yama e agencia di biahe, usando informacion personal di su ex-socio pa hasi manera cu ta e persona y posteriormente cancela e vakantie. Segun autoridadnan, e cancelacion a causa un perdida di 4.202 dollar pa e victima.

Fisher, kende ta biba na Southampton, a entrega su mes na polis mainta diahuebs y posteriormente lo presenta den corte.