Merca ta aumenta control riba biaheronan for di Africa pa preveni Ebola

WASHINGTON – Autoridadnan di salud na Merca ta aumenta control riba biaheronan cu ta bini for di Republica Democratico di Congo, Uganda y Zuid  Sudan, of cu recientemente a permanece aya. Medida aki ta wordo tuma despues di brote di Ebola den e regionnan aki.

Autoridadnan ta considera e riesgo di contagio den Merca como abou, pero pa seguridad nan lo controla movementonan di persona cu durante ultimo tres siman a bishita Congo, Uganda of Zuid-Soedan y despues biaha pa Merca. Tin excepcionnan, manera ciudadano mericano y personanan cu permiso oficial di estadia.

Segun un experto, por tuma te 21 dia prome cu un persona cuminsa mustra sintomanan di e virus peligroso. P’esey autoridadnan ta considera importante pa haci controlnan extra riba biaheronan cu a bishita e paisnan menciona prome cu nan yega Merca, pasobra sintomanan por aparece solamente despues cu nan a drenta e pais.