Pronostico 2026: Temporada di horcan ta bira mas trankil, pero no sin peliger

MIAMI - Un prome pronostico pa temporada di horcan Atlantico di 2026 ta indica cu lo tin un actividad un tiki mas abou cu normal. Investigadornan di Colorado State University ta pronostica cu lo forma alrededor di 13 tormenta cu nomber, di cual 6 lo bira horcan y 2 horcan fuerte (categoria 3 of mas halto).

Temporada oficial ta cuminsa dia 1 di juni te 30 di november, cu e tempo pico entre augustus y oktober. Aunke e pronostico ta mustra menos actividad, expertonan ta bisa cu tin incertidumbre y situacion por cambia.

Un factor importante ta e aparicion di El Niño, cu generalmente ta hasi horcannan menos frecuente y menos fuerte den Atlantico. Tin un probabilidad di 61% cu e fenomeno aki lo aparece entre mei y juli y keda activo durante gran parti di aña.

Segun e investigacion, actividad total lo ta rond di 75% di promedio normal. Aunke esaki ta menos cu aña pasa, expertonan ta enfatisa cu comunidatnan mester tuma preparacion siempre serio, pasobra un solo tormenta por causa daño grandi.

Tambe ta calcula cu tin 32% di probabilidad cu un horcan fuerte yega na costa di Merca y 35% probabilidad pa Caribe. Aña pasa, ningun horcan a yega na Merca, pero algun isla den Caribe a haya impacto fuerte, manera Hurricane Melissa cu a destrui parti di Jamaica.

Pa 2026, e lista oficial di nombernan ta cuminsa cu Arthur, Bertha, Cristobal y asina e lo sigui bai, segun World Meteorological Organization. Un tormenta ta ricibi nomber ora bientu yega 39 mph, y bira horcan na 74 mph. Horcan mayor (categoria 3 of mas) por causa daño catastrofico.