IMF y Banco Mundial ta reanuda cooperacion cu Venezuela despues di 7 aña

WASHINGTON - E International Monetary Fund (IMF)  y World Bank lo cuminsa traha atrobe cu Venezuela despues di 7 aña sin relacion oficial. E cooperacion a wordo para na 2019 paso hopi pais no a reconoce gobierno di Nicolás Maduro.

Despues cu Maduro a sali di poder, un gobierno interino bou di Delcy Rodríguez a tuma liderazgo. IMF y Banco Mundial ta reconoci e gobierno aki, loke por yuda economia di Venezuela recupera y haya acceso na prestamo internacional y inversion extranhero.

Decision pa reanuda cooperacion a bini despues cu mayoria di paisnan miembro di IMF a acepta e liderazgo interino.

E paso aki ta marca fin di un periodo largo di aislamiento economico, unda Venezuela tabata enfrenta sancionnan y problema economico serio.

Tambe ta menciona cu sancionnan di Merca parcialmente a wordo kita, mientras otro paisnan ainda tin medida vigente.

Despues di salida di Maduro, presion pa organiza eleccionnan nobo a crece, cu oposicion y lidernan internacional ta pidi pa un proceso democratico den e siguiente periodonan.