Gobierno di Corsou ta inverti 8 miyon florin pa limpia e isla

WILLEMSTAD – Ministro di Trafico, Transporte y Planificacion Territorial di Corsou, Charles Cooper (MFK), a anuncia cu gobierno lo pone disponible 8 miyon florin den e proximonan dos te tres siman pa un campaña grandi di limpieza na henter e isla.

Segun Cooper, e problema di suciedad na Corsou ta un punto di preocupacion y gobierno kier tuma accion rapido pa mehora e situacion.

“Pronto lo mira hende trahando na diferente parti di e isla pa limpia Corsou,” e ministro a declara.

Ademas di limpia camindanan y area publico, gobierno kier enfoca tambe riba concientisacion di comunidad. Segun Cooper, lo lansa campaña pa motiva habitantenan cuida nan bario y mantene Corsou limpi a largo plazo.

E minister a reconoce cu e isla a bira mas sushi den e ultimo tempo y a enfatisa cu no solamente gobierno, pero tambe comunidad tin un rol importante pa mantene e resultado di e campaña.

Ainda no a revela detaye specifico tocante con e 8 miyon florin lo wordo gasta of con e proyecto lo wordo financia. Cooper a indica cu mas informacion lo wordo presenta den e proximonan siman.