Secretario di estado Raymond Knops a pasa vakantie na Bonaire

Secretario di estado Raymond Knops a pasa vakantie na Bonaire
  • Parti Frances di St Maarten a cera frontera pa e parti Hulandes debi na COVID-19

    Parti Frances di St Maarten a cera frontera pa e parti Hulandes debi na COVID-19

    PHILLIPSBURG – E parti Frances di St Maarten a cera frontera pa parti Hulandes entrante 12’or di merdia diabierna proximo. Asina gobierno di St Maarten a participa diaranson. E motibo ta e situacion di COVID-19 cu a surgi na e parti Hulandes cu a bolbe aumenta. Esnan cu kier tin aceso na e parti Frances, mester haci esaki prome cu e fecha ey. Di otro forma, solamente hendenan cu ta traha na e parti Frances, por tin aceso, pa motibonan medico y pa asistencia di anciando.  Lo duna e aceso ey cu e documentacion necesario. E parti Hulandes lo no actua den forma reciproca, pues esey ta nifica cu esnan di parti Frances, por trafica sin problema pa e parti Hulandes. 

  • Boneiru a cera frontera pa St Maarten te prome di September

    Boneiru a cera frontera pa St Maarten te prome di September

    KRALENDIJK – Boneiro a kita Sint Maarten for di e lista di paisnan cu riesgo abou. Esaki kier men cu nan ta cera frontera pa e isla aki. Asina gobierno di Bonaire a informa pa medio di un comunicado dialuna atardi. Segun gobierno di e isla di Flamingo, na e isla tin hopi persona cu e malesa di COVID-19. Na mesun momento a dicidi pa tene espacio aereo cera pa paisnan cu riesgo halto te prome september.

  • St Maarten a raporta 10 caso positivo di COVID-19 riba un dia

    St Maarten a raporta 10 caso positivo di COVID-19 riba un dia

    PHILIPSBURG – St Maarten a raporta 10 caso positivo di COVID-19 riba un solo dia. Esaki a sosode diahuebs anochi pa medio di un comunicado di minister di Salud di St Maarten, Richard Panneflek segun e portal The Daily Herald. Na tur, e isla tin 16 caso positivo activo actualmente, mientras na tur e isla su cifra total ta 94. E mandatario segun un comunicado, ta raporta cu dia 21 di juli tabatin 2 caso nobo, 3 riba 22 di juli y dia 23 anochi, a raporta 10 caso. Te cu awor tin 63 persona a recupera, y 15 a fayece di e virus. Anto tur esaki teniendo na cuenta cu ainda e isla no a habri frontera pa Merca ainda. Esey ta tuma lugar dia 1 di augustus proximo. 

  • Pasaheronan riba avion cu a sinta banda di persona contamina, a bai den cuarentena na Boneiru

    Pasaheronan riba avion cu a sinta banda di persona contamina, a bai den cuarentena na Boneiru

    KRALENDIJK – Tur persona biniendo Boneiru cu a sinta banda di un pasahero cu a test positivo riba COVID-19 a bai den cuarentena. Asin’ei servicio di Salubridad Publico ta controla si nan tambe ta haña sintoma. Asina e portal aki a compronde di gobierno di Bonaire despues di e suseso di ayera ora cu un avion di Hulanda tabatin un pasahero positivo cu COVID-19 abordo. E pasahero mes tabata un yiu di Corsou cu pues den avion a bin compronde cu e ta positivo pa e virus.

  • Winnair a stop su buelonan pa Aruba y Corsou

    Winnair a stop su buelonan pa Aruba y Corsou

    PHILIPSBURG, WILLEMSTAD - Winair a informa cu entrante awe, nan no ta bula mas pa Aruba y Corsou entrante awe, 14 di juli 2020. E aeroliña a bisa cu ta debi na e efecto di COVID-19, cu a causa consecuencia negativo pa e populacion regional. “Winnair no por sostene buelonan pa Aruba y Corsou mas debi na cantidad extremadamente abou di pasahero pa e avion” e aeroliña a sigui bisa. E ta continua si cu servicio pa Saba, Statia, St Barth y Antigua, for di St Maarten. Potret cortesia WinAir. 

  • Na Bonaire a test dos repatriante positivo pa COVID-19

    Na Bonaire a test dos repatriante positivo pa COVID-19

    KRALENDIJK - Bonaire a raporta cu dos repatriante a test positivo pa COVID-19. Nan a bolbe recientemente for di Peru, y a keda den cuarentena. Conforme e regla di e isla, tur repatriante for di paisnan di riesgo, ta bay den cuarentena den un lugar central. Diadomingo ultimo a test e dos personanan aki cu tabata mustra di tin simptoma. Dialuna anochi e test a drenta, cu a confirma cu nan tabata positivo pa COVID-19. A cuminsa mesora cu e contact tracing. Tur dos persona contagia ta mayor di edad y tur dos ta bon teniendo cuenta cu e circumstancianan. 

  • Powered by SETAR