Rey Willem-Alexander y premier Jetten ta bishita Statia pa 250 aña di First Salute

ORANJESTAD — Rey Willem-Alexander, premier Hulandes Rob Jetten y secretario di estado Eric van der Burg di Relacionnan di Reino y Gobierno Eficiente lo bishita Sint Eustatius na november pa atende conmemoracion di 250 aña di The First Salute.

Riba diasabra 15 di november lo tin un celebracion na Fort Oranje. E conmemoracion oficial lo tuma luga diamars 16 di november, durante Statia Day, e dia festivo anual di e isla.

The First Salute ta referi na e momento riba 16 di november 1776 ora Fort Oranje a contesta cu cañon e saludo di e barco Mericano Andrew Doria. Merca ta considera esaki como e prome reconocemento di su independencia door di un poder stranhero.

E saludo a tuma luga algun luna despues di Declaracion di Independencia di Merca, mientras e guerra di independencia ainda tabata andando.