Venezuela kier ruta maritimo cu islanan ABC pa exporta galiña y webo

CARACAS  – Federacion Nacional di Avicultura di Venezuela (Fenavi) ta propone crea un ruta maritimo frecuente, tipo ferry, entre Venezuela y Aruba, Bonaire y Corsou pa exporta carni di galiña y webo.

Presidente di Fenavi, Francisco Tagliapietra, a splica cu sector avicola venezolano ta registra un crecemento sosteni di aproximadamente 8% pa aña y cu, si e tendencia sigui, produccion por yega 1,5 miyon ton  anual dentro di tres aña.

Segun e, e industria ya tin e capacidad tecnologico y humano pa competi cu mercado internacional, pero mester adapta e empake y logistica na standard internacional prome cu por exporta na escala grandi.

Fenavi ta considera e islanan ABC como un mercado natural pa inicia exportacion, pero pa esaki ta necesario crea un conexion maritimo frecuente y confiabel.