Na Boneiro, partidonan politico ta purba pa lapi un gobierno nobo hunto

KRALENDIJK – Despues cu Noticiacla a raporta diamars anochi cu gobierno di Boneiro a cay, ta mustra cu tin intencion pa ‘lapi’ un gobierno hunto atrobe. Tabata diamars anochi cu miembro di Conseho Insular, Salma Serberie a entrega carta di retiro na Gezaghebber John Soliano. Cu esaki el a anuncia di no ta sostene e coalishon aki mas. E caida di Gobierno no ta un sorpresa. Ya pa basta luna tin friccion den coalicion. Noticiacla a compronde cu  ta actitud di lider die partido Democrat, lo ta e causa principal di e friccion. Asina un medio di Corsou (Boneriano) ta raporta.   

KICO AWOR

 Aworaki cu e coalicion ya no tin mayoria y tur hende su bista ta fiha riba e siguiente paso di Serberie. Ya pa algun dia tin rumornan persistente tocante Movementu Pueblo Boneriano, pues MPB cu ta pisca Salma Serberie. Hennyson Thielman ta determina pa convence Serberie pa subi e barco blauw. E echo cu Serberie a a kita sosten for di e coalicion por ta un indicacion fuerte cu tin palabracionnan hasí tras di kortina.