Premier hulandes Rob Jetten hospitalisa na Boneiru despues di reaccion alergico

KRALENDIJK – Minister-presidente hulandes Rob Jetten a sufri un reaccion alergico mainta temprano na Boneiru despues di wordo pica posiblemente pa un animal marino of insecto durante un momento di landamento den laman.

Segun informacion di Rijksdienst Caribisch Nederland, programa oficial di Jetten na Boneiru a wordo adapta como medida di precaucion. Otro reportahenan ainda no confirma ta indica cu e a wordo recibi na departamento di emergencia di Hospital Mariadal y despues hibá pa afdeling Special Care.

Te ainda no ta cla cual ta e gravedad exacto di e situacion.

Gobierno hulandes a confirma cu mas informacion tocante continuacion di su bishita lo sigui despues. E mester a biaha awe tardi ainda pa Aruba pa su bishita di 24 ora y noticiacla a confirma cu e biahe ta sigui, pero un ora mas laat