Na Boneiru, UPB, MPB y Serberie ta forma coalicion nobo

KRALENDIJK – Union Patriotiko Boneriano (UPB), Movementu di Pueblo Boneriano (MPB) y miembro independiente Salma Serberie lo forma hunto un coalicion di gobierno nobo.

E dos partidonan y e miembro independiente ta forma e mayoria mas chikito posible den conseho insular, cu lo permiti nan nombra tres diputado nobo.

Formacion di e coalicion nobo no a bay facil. Na principio,  specialmente UPB tabata contra e idea cu cada partido lo por presenta su mes diputado. Segun informacion, finalmente a dicide cu tur tres partner di coalicion lo propone un diputado.

Con e gobierno nobo lo keda compone, lo bira cla posiblemente diahuebs anochi, ora cu e reunion pa nombra e diputadonan lo tuma lugar. E convocatoria pa e reunion ey ya a bira manda.

INSTABILIDAD POLITICO

E formacion di e coalicion nobo ta sigui un periodo di hopi tension politico, unda e coalicion anterior (PDB, M21 y miembro Vrolijk) no tabata riba mesun linea. Tambe oposicion no a logra forma un mayoria nobo te cu principio di e siman aki. Potret cortesia ABC Online Media.