Venezuela a decreta ‘Estado di Conmocion Exterior’ y a activa plannan di defensa

CARACAS – Noticia confirma cu Noticiacla a ricibi oficialmente, ta bisa cu ‘e presidente di Venezuela, Nicolas Maduro, a decreta awe e estado di Conmocion Exterior na henter territorio nacional, debi na e agresion di Estados Unidos, y a activa e plannan di defensa pa enfrenta e situacion. E disposicion cu a wordo firma y ordena pa e mandatario ta concebi pa proteha e poblacion, garantisa e funcionamiento pleno di e institucionnan republicano y pasa di inmediato na lucha armada. Na Venezuela sinembargo, ciudadanonan ta papia di 'toque de queda', y no un estado di conmocion'. 

KICO TA UN ESTADO DI CONMOCION

Un estado de conmocion ta un medida excepcional cu un gobierno por declara ora e pais ta enfrenta un peligro grave y inmediato, manera guerra, amenaza militar externo, rebelion, terrorismo of otro situacion cu pone e seguridad nacional y e orden publico na riesgo.

En termino practico, esaki ta significa cu:

E gobierno ta haya podernan extraordinario

Cierto derechonan ciudadano por wordo limita temporalmente

E fuerza armado y organismo di seguridad por wordo activa na forma mas amplio. E estado por controla movimiento, informacion, reunionnan y actividat economico.

Ta wordo activa plannan di defensa nacional

Diferencia cu otro estado di emergencia

Estado di conmocion interior: pa crisis interno (disturbio, rebelion, caos social)

Estado di conmocion exterior: pa amenaza o agresion di otro pais (manera e caso cu ta menciona Estados Unidos)

Normalmente, un estado di conmocion:

Ta temporal

Ta regula pa ley o constitucion

Mester wordo ratifica o supervisa pa otro poder di estado (parlamento o tribunal, dependiente di e pais)