Aruba y Colombia ta fortalece cooperacion contra crimen cibernetico

BELICE — Aruba ta participa hunto cu Colombia y seis otro pais Caribe den un encuentro regional na Belice, di 6 te 8 di october, pa fortalece lucha contra crimen cibernetico.

E iniciativa, lidera pa Ministerio di Defensa y Polis Nacional di Colombia, ta concentra riba prevencion, investigacion y intercambio di informacion y experencia entre paisnan participante.

Durante e encuentro, delegacionnan ta comparti conocemento tocante legislacion, tecnica di investigacion digital y cooperacion internacional. E programa ta inclui tambe un bishita na Unidad di Crimen Cibernetico y Laboratorio Forense Digital di Belice.

E cooperacion ta busca mehora capacidad di Aruba y otro paisnan Caribe pa enfrenta amenaza y delitonan digital.