Carnival ta anuncia cruceronan nobo pa 2028 y 2029 cu parada na Aruba

Carnival ta anuncia cruceronan nobo pa 2028 y 2029 cu parada na Aruba

Posted on 11/20/2026, 1:14 PM AST | Updated on 11/20/2026, 1:15 PM AST

ORANJESTAD — Carnival Cruise Line a anuncia mas di 160 crucero nobo pa temporada 2028/2029, cu salida for di New Orleans, Galveston, Miami y Mobile. Diferente di e itinerarionan aki ta inclui Aruba como uno di e destinacionnan den Caribe.

E cruceronan ta varia entre cuatro y 14 dia, cu bishita na 21 destinacion den Caribe, Bahamas, Mexico y Centroamerica.

Carnival Sunrise lo opera for di Miami cuminsando april 2028, cu cruceronan di cuatro te ocho dia, incluyendo parada na Aruba, Bonaire y Corsou. For di juni 2028, e barco lo muda pa New Orleans pa opera durante henter aña. E programa ta inclui un crucero especial di 14 dia cu parada na Aruba, Corsou, Cartagena, Colón na Panama y Limón na Costa Rica.

Carnival Sunshine lo cuminsa opera durante henter aña for di Galveston, Texas, ofreciendo cruceronan cortico y biahenan mas largo den Caribe.

Carnival Valor lo sigui opera for di Mobile, Alabama, cu cruceronan di seis te ocho dia. Adicionalmente, e barco lo ofrece dos crucero especial di 14 dia, ambos cu parada na Aruba y Curaçao, hunto cu otro destinacionnan den Caribe y Centroamerica.

Di e mas di 160 crucero anuncia, mas di 50 lo bishita Celebration Key, e destinacion priva di Carnival na Bahamas.

E itinerarionan nobo ta confirma cu Aruba ta sigui figura den e programa di cruceronan largo di Carnival Cruise Line pa 2028 y 2029.