Turismo di Aruba ta crece 10,9%, pero gasto pa anochi casi no ta subi

Turismo di Aruba ta crece 10,9%, pero gasto pa anochi casi no ta subi

Posted on 11/20/2026, 1:07 PM AST | Updated on 11/20/2026, 1:09 PM AST

ORANJESTAD — Turismo di Aruba a registra un crecemento di 10,9% durante e prome seis luna di 2026, pero entrada promedio genera pa cada anochi di estadia turistico a aumenta solamente 0,7%. Esaki ta surgi for di e informe State of the Economy – First Half of 2026 di Banco Central di Aruba (CBA).

Aruba a ricibi 845.501 turista, compara cu 762.356 den e mesun periodo di 2025. Entrada total di turismo a aumenta cu 12%, alcanzando Afl. 3.225 miyon, pero e entrada promedio pa anochi a subi solamente di Afl. 559 pa Afl. 563,10.

E crecemento ta principalmente resultado di mas bishitante. Argentina a registra un aumento di 181,6%, mientras mercado di Merca a crece cu 4,9% y ta sigui e mercado principal di Aruba.

Hotel tambe ta cobra mas: e prijs promedio di kamber a subi cu 12%, di US$ 427,63 pa US$ 478,94 pa anochi. Sinembargo, ocupacion promedio a keda na 79,9%.

Alojamento di temporada, manera Airbnb, ta sigui gana terreno, cu un participacion cu a aumenta di 35,5% pa 38%, mientras participacion di all-inclusive y timeshare a baha.

E cifranan ta lanta pregunta tocante sostenibilidad di crecemento turistico, considerando cu entrada total ta aumenta principalmente door di mas bishitante y no door di un aumento significativo den entrada genera pa cada anochi.