ORANJESTAD — Entrante 1 di december 2026, e parti di L.G. Smith Boulevard entre rotonde di Cas di Cultura y rotonde di Sun Plaza lo cambia oficialmente di nomber pa J.H.A. (Henny) Eman Boulevard.
Cu e decision aki, Gobierno di Aruba ta honra Jan Hendrik Albert (Henny) Eman, kende a ocupa e posicion di prome minister-president di Aruba, pa su contribucion na desarrollo di pais.
E cambio ta afecta solamente nomber di caya. Numbernan di cas y otro adicionnan na adres lo keda mescos. Residente y negoshinan den e zona no tin cu informa CENSO, pasobra e cambio lo wordo procesa automaticamente.
Sinembargo, entrante 1 di december, e personanan y negoshinan afecta mester cuminsa uza e adres nobo riba correspondencia, factura, contract y otro documentonan oficial.
Gobierno a coordina cu Post Aruba pa carta cu ainda ta carga e adres bieu sigui yega na nan destinacion durante e periodo di transicion. Cada adres afecta tambe lo ricibi un envelop conmemorativo.