Minister Herdé ta busca balansa entre turismo di ATV/UTV y proteccion di naturalesa

ORANJESTAD — Minister di Infrastructura Rene Herdé ta enfatisa necesidad di un maneho balansa pa uzo di ATV y UTV na Aruba, cu ta tene cuenta tanto cu e importancia economico di e actividad como e proteccion di naturalesa.

Segun Herdé, e vehiculonan aki ta representa un desafio pa conservacion di diferente areanan natural. P'esey, Gobierno kier mantene dialogo cu empresanan di ATV/UTV, Aruba Conservation Foundation (ACF) y Aruba Birdlife Conservation (ABC) pa busca solucionnan cu ta respetando tur interes.

E minister ta boga pa reglanan y condicionnan cla cu ta limita impacto negativo riba medio ambiente, sin perjudica innecesariamente e actividad economico y recreativo.  

Gobierno ta evaluando e posibilidadnan pa determina e siguiente pasonan. Ainda no a anuncia medidanan concreto ni fecha pa implementacion.