Detenido ta fayece den hospital despues di perde tino den cel na Shaba

ORANJESTAD — Un detenido a fayece diaranson madruga den hospital, despues cu personal di Warda di Polis Shaba a encontr'e for di tino y sin reaccion durante un control rutinario diamars atardi.

E incidente a wordo descubri pa mas o menos 3:23 di atardi. Di biaha a notifica e Chef van Dienst, kende a solicita un ambulance. Personal medico a brinda e homber asistencia na e warda y a transport'e pa hospital.

Durante oranan di madruga di diaranson, polis a ricibi noticia cu e estado di salud di e detenido a empeora y cu finalmente el a fayece.

E fayecido ta J.C. Croes, naci na Republica Dominicana dia 16 di februari 1974, di 52 aña di edad.

Conforme procedura, Landsrecherche y Ministerio Publico a inicia un investigacion pa determina e circunstancianan rond di su fayecimento.

Cuerpo Policial Aruba a expresa su condolencianan na famia di e fayecido.