Polis ta detene sospechosonan di atraco arma di dialuna anochi na Palm Beach

PALM BEACH — Polis a detene e sospechosonan di un atraco arma riba dos homber na Caya Calco dialuna anochi. Un di e victimanan a wordo gedal cu e cabo di un arma di candela y a wordo transporta hospital.

Pa mas o menos 9:45, Central di Polis a ricibi e aviso despues cu e victimanan a busca yudansa na un cas na Pos Abao. Segun nan declaracion, cinco homber den un auto preto a atraca nan, usando un arma di candela y un cuchiu. E atracadornan tambe a purba horta un van Mitsubishi blanco, pero no a logra.

Poco despues, polis a localisa un auto cu tabata cuadra cu e descripcion na Seroe Pela. Un sospechoso a sali core, pero a wordo captura. Polis a haya droga riba dje.

Otro patruyanan a sigui busca e auto, cu despues a accidenta den cura di un cas na Turibana. Polis a detene e sospechosonan den e vehiculo y a confisca e auto.

Atraco Team y Slachtofferhulp a wordo informa. Persona cu informacion por yama e tiplijn 11141, anonimamente.