Historia di refineria Lago na Aruba ta bira tema di enseñansa na Hulanda

ORANJESTAD — Investigador Eric Mijts di Universidad di Aruba lo presenta un perspectiva Caribense durante Onderwijsdag 2026 na Hulanda, cu enfoke riba con enseñansa di geografia por mustra e realidad historico, economico y ambiental di e islanan.

Mijts lo uza ehempelnan manera ex-refineria Lago na San Nicolas, cu durante casi un siglo tabata motor economico di Aruba, y e saliñanan historico di Boneiro pa ilustra e impacto di actividad economico y pasado colonial.

Su presentacion lo trata tambe dependencia di importacion, tensionnan geopolitico rond Venezuela y retonan di sostenibilidad y proteccion di naturalesa.

E meta ta pa docente Hulandes presenta un imagen mas completo di Caribe, mas aya di solamente turismo, lama blauw y beach.