FIFA ta suspende Curacao international Jürgen Locadia pa cuater luna

FIFA ta suspende Curacao international Jürgen Locadia pa cuater luna

Posted on 11/17/2026, 7:42 AM AST | Updated on 11/17/2026, 7:43 AM AST

WILLEMSTAD — Federacion Internacional di Futbol (FIFA) a suspende atacante internacional di Corsou, Jürgen Locadia, di 33 aña, pa cuater luna debi na un conflicto contractual cu su   club Spaño anterior, CF Intercity. E futbolista no ta di acuerdo cu e decision y a presenta apelacion na Tribunal di Arbitraje Deportivo (CAS).

E conflicto a cuminsa na september 2025, ora Locadia a termina su contracto unilateralmente, alegando cu e club no tabata pagando su salario. Segun e futbolista, el a duna CF Intercity un aviso formal y 15 dia pa paga e sumanan atrasa, pero no a ricibi e pago.

Locadia ta afirma cu FIFA a reconoce cu e club realmente tabata debe e salario, pero a determina cu e no tabatin derecho di termina su contracto di e manera ey.

E suspension ta afecta tanto su club actual, Tampa Bay Rowdies di Estados Unidos, como seleccion nacional di Curaçao. Locadia no por a participa den e cuartofinal di CONCACAF Nations League contra Panama, den cual Curaçao a keda elimina.

E futbolista a anuncia e suspension dialuna via Instagram y a gradici su club, Federacion di Futbol di Curaçao y cuerpo tecnico di seleccion pa nan sosten.

CAS a rechasa su peticion pa suspende e sancion temporalmente mientras e apelacion ta den tratamento. Ainda no ta conoci ki dia tribunal lo emiti su decision final. Potret di Dick Drayer.