Renaissance Aruba ta habri oficina nobo pa planificacion di matrimonio

Posted on 11/17/2026, 6:36 AM AST | Updated on 11/17/2026, 6:37 AM AST

ORANJESTAD — Renaissance Wind Creek Aruba Resort a anuncia apertura di un oficina nobo dedica na planificacion di matrimonio, situa na Renaissance Convention Center. E iniciativa ta busca ofrece parehanan un servicio mas personalisa pa organisa nan dia special, cu diferente opcion di ceremonia y celebracion.

E resort ta ofrece paketenan di matrimonio cu ta varia di ceremonianan intimo riba Renaissance Island, rondona pa lama blauw y flamingonan ros, te celebracionnan elegante den su ballroom na Renaissance Convention Center.

Den e oficina nobo, parehanan por haya informacion tocante e diferente localidadnan y paketenan, participa den degustacion di menu y ricibi guia profesional durante preparacion di nan matrimonio.

Segun gerente general di Renaissance Wind Creek Aruba Resort, Paul Gielen, parehanan moderno ta busca mas cu solamente un localidad bunita. Nan ta desea un experiencia completo cu ta refleha nan estilo, tradicionnan y preferencianan personal.

Renaissance ta enfoca su servicionan tanto riba parehanan local como internacional. Personanan interesa por bishita e oficina na Renaissance Convention Center of contacta e especialistanan di matrimonio Marshilyne, Dhalia of Richelyn pa mas informacion.