Fundacion Alzheimer Aruba ta adverti pa diagnostico fout

ORANJESTAD — Fundacion Alzheimer Aruba ta adverti cu problema di memoria, desorientacion y alucinacion no ta nifica automaticamente cu un persona tin Alzheimer of otro forma di demencia.

Segun e fundacion, condicionnan manera falta di vitamina B12, problema di tiroides y Normal Pressure Hydrocephalus (NPH) por causa sintomanan similar, pero por ta tratabel of parcialmente reversibel. Pesey, un diagnostico confiabel ta esencial.

E advertencia ta marca inicio di e luna anual di conscientisacion tocante condicionnan neurocognitivo, cu e tema “Un Diagnostico Confiabel ta Primordial.”

Durante september, Fundacion Alzheimer Aruba lo organisa actividadnan informativo pa famia, cuidadornan y gruponan di sosten. Riba 21 di september, Dia Mundial di Alzheimer, lo cuminsa tambe Teal Ribbon Week na Aruba. potret crea pa AI.