Lionel Messi ta retira oficialmente di seleccion di Argentina despues di 21 aña

BUENOS AIRES - Lionel Messi a anuncia su retiro oficial for di seleccion nacional di Argentina, poniendo fin na un carrera internacional di 21 aña. E astro di 39 aña a representa Argentina 207 biaha y a marca 125 gol, ambos record nacional.

Su ultimo partido tabata final di Mundial 2026, dia 19 di juli, ora Argentina a perde 1-0 contra Spaña na New Jersey. Messi a debuta cu seleccion mayor na 2005 contra Hungria, un partido memorable pa un motibo poco usual: apenas 47 seconde despues di drenta como suplente, e a haya carchi cora.

Su logro mas grandi cu Argentina tabata conkista di Mundial 2022 na Qatar. Ademas, e la gana Copa América na 2021 y 2024 y medaya di oro Olimpico na 2008.

Messi a splica cu e decision ta doloroso, pero cu e ta sinti cu “e momento a yega”. Segun e, e la duna tur loke e tabatin pa seleccion y awor tin un generacion nobo di hungadonan cu merece oportunidad.

E hungado di Inter Miami a revela cu e texto di despedida ya tabata prepara poco despues di final di Mundial, pero e a spera prome di public’e pa sigur cu e decision no tabata solamente emocional. Fayecimento di su tata, Jorge Messi, dia 8 di augustus, a fortalece su conviccion di pone punto final na su carrera internacional.