Autor y poeta Jopi Hart a fayece na edad di 85 aña na Corsou

WILLEMSTAD — E autor, poeta y ex-docente Joseph ‘Jopi’ Hart a fayese diabierna ultimo na edad di 85 aña. Hart a nace na Boneiro, pero a crece na Otrobanda, Corsou, un bario cu tabatin un lugar importante den su bida y obra literario.

Despues di studia pa maestro na Corsou y Ingles na Hulanda, Hart a traha como docente, entre otro na Radulphus College y na e actual University of Curaçao. Mas laat den su bida, el a dedica su mes completamente na literatura.

Su obranan, entre otro Entrega, Election Dance, The Yard, Kruispunt, De wooncirkel y Contrasten in kleur, ta trata temanan manera desigualdad social, pobresa, criminalidad, corrupcion politico y e influencia continuo di pasado di esclavitud.

Hart tabata fuertemente conecta cu Otrobanda. Pa hopi aña, el a guia caminatanan den e bario, contando no solamente tocante su edificionan, sino principalmente tocante e habitantenan, cultura, herencia Africano y historia di esclavitud.

Pa su aporte social y cultural, Hart a wordo nombra Oficial den Orden di Oranje-Nassau. Cu su fayecimento, Corsou ta perde un autor cu a usa literatura pa confronta e realidad social y historico di e isla.