Yiu di Corsou asesina den tiroteo na Roermond, Hulanda

ROERMOND — Un homber a perde su bida den un tiroteo den un bario residencial na Roermond, Hulanda. Segun corant Vigilante di Corsou, e victima tabata un homber proveniente di Corsou.

E tiroteo a tuma lugar poco prome cu 10’or di anochi riba Terbaansweg. Varios habitante di e bario a yama 112 despues di tende varios tiro.

A manda un helicopter di trauma na e sitio y personal di emergencia a purba resucita e victima, pero el a fayece na e lugar. Polis ainda ta buscando e autor of autornan di e tiroteo.

Un team forense ta haciendo investigacion di rastro. Polis ta colecta grabacionnan di camera di seguridad y deurbel den e vecindario, y ta papia cu posibel testigonan. Un parti di e caya a keda cera pa investigacion.