Ainda bo no a participa? Duna bo opinion den encuesta di HOFA di Noticiacla

ORANJESTAD – Noticiacla ta recorda comunidad cu e encuesta   riba HOFA ainda ta habri y cu tur ciudadano ta invita pa participa y duna su opinion riba futuro di supervision y disciplina financiero di Aruba.

E encuesta ta trata preguntanan importante manera si bo ta pro of contra HOFA, si Aruba mester tin supervision financiero externo, cuanto confianza bo tin den Gobierno pa mantene disciplina financiero sin HOFA, y si bo ta mira e acuerdo principalmente como proteccion financiero of como un limitacion di autonomia.

Tambe participantennan por indica si Parlamento mester aproba HOFA, si pueblo mester haya oportunidad pa expresa su opinion den un referendum, y si Gobierno y Parlamento a informa comunidad suficientemente riba contenido y consecuencianan di e acuerdo.

E encuesta ta inclui tambe espacio pa bo splica den bo propio palabranan pakico bo ta pro of contra HOFA, ademas di algun pregunta demografico pa Noticiacla por analiza con opinion ta varia entre diferente grupo den comunidad.

Si bo ainda no a participa, esaki ta bo oportunidad pa laga bo opinion conta den un di e debatenan mas importante pa futuro financiero y autonomia di Aruba.

Click AKI pa participa den e encuesta di HOFA: