Trump ta reduci ehecicion militar cu Sur Corea

WASHINGTON - President di Merca Donald Trump a anuncia cu Merca lo reduci   su ehecicionnan militar conhunto cu Sur Corea considerablemente. Segun Trump, e maniobranan ta costa hopi placa y ta manda un señal cu Nort Corea por considera hostil.

Trump a haci referencia na su “relacion masha bon” cu lider Norcoreano Kim Jong-un y ta sostene cu north Corea ta actua di manera mas respetuoso desde cu e ta presidente. Sinembargo, recientemente Nort Corea a bolbe haci pruebanan cu misil balistico, violando resolucionnan di Nacionan Uni.

E ehecicion anual Ulchi Freedom Shield ta cuminsa awe y ta dura dies dia. Sur Corea a indica cu e programa militar ta sigui manera planea. Aproximadamente 28.500 militar Mericano ta estaciona na Sur Corea.

Trump tambe a menciona cu Sur Corea no a acepta un peticion di Merca pa participa den esfuerzonan relaciona cu denuclearisacion di Iran.