Marea Restaurant ta lansa “Executive Lunch Week” cu sabor local y Caribbean fusion na prijs accesibel

(ADVERTORIAL)

ORANJESTAD –Marea Restaurant, situa na Joia Aruba by Iberostar, ta pone enfoke riba gastronomia local y comfort food cu su concepto nobo di “Executive Lunch”, un lunch semanal cu menu cambiante, inspira den sabornan Caribbean fusion y ingredientenan di Aruba.

Den un entrevista cu Noticiacla, executive chef local Ludwich Samson a splica cu e concepto a cuminsa originalmente pensando riba executivonan di hotel, pero poco poco a expande pa habri’e pa henter Aruba. “Nos a cuminsa cu e pensamento pa nos mesun ehecutives nan por bin dal un lunch na un bon prijs. Poco poco nos a expand esaki pa e bira un executive lunch pa tur e ehecutivonan na Aruba y basicamente pa tur hende por disfruta dje,” Samson a comenta.

Segun e chef, e lunch special ta disponible di dialuna te diabierna for di 12:00pm  pa 3:00 di atardi na un prijs fijo di $35, incluyendo un sopi of salada y un plato principal. Tur dia tin un menu diferente y tur siman e opcionnan ta cambia completamente. “E idea ta pa mantene variacion y evita repiti e mesun cosnan hopi biaha, asina nos por tin repeat clients y mantene e concepto fresco,” Samson a splica.

E menu ta basa riba filosofia di Marea como un restaurante Caribbean Latin fusion cu enfoke  fuerte riba comfort food y ingredientenan local. Samson a enfatisa cu Iberostar tin un compromiso grandi cu mercado local di Aruba. “Iberostar ta hopi comprometí cu Aruba y cu uso di productonan local. Nos ta traha cu local farmers, local market y productonan traha aki na Aruba,” e chef ehecutivo a declara.

Entre e ingredientenan local cu hotel ta usa regularmente tin e.o. yogurt, mozzarella, burrata, pasta artesanal y hasta mushrooms cultiva specialmente pa hotel door di Farmacure. Samson a menciona tambe e experiencia culinario “The Suckling Pig Ritual” na restaurante Gaia, unda porco local ta wordo prepara den un estilo ceremonial.

Segun Samson, traha directamente cu productor local tin hopi bentaja compara cu dependencia di importacion. “Cu importacion semper tin factornan externo manera guerra, container y duana. Mientras cu e farmers local ta permiti nos move mas rapido y mas facil,” e la splica.

E menu ehecutivo ta inclui plato creativo manera satay cu fried rice, barbecue short rib cu chipotle mac and cheese, y pisca cu coconut curry y mushrooms, tur adapta pa e estilo Caribbean fusion di Marea.

Chef Samson a invita comunidad di Aruba pa bishita y conoce e concepto. “Just yega, bin check nos out. Tur siman tin algo diferente,” e la conclui.