- Gobierno Hulandes ta pidi ciudadano Hulandes na Venezuela pa registra urgentemente
- Thomas Domhoff ta huramenta como presidente nobo di Banco Central di Aruba
- Yiu homber di victimanan di accidente fatal: “Nos no ta pidi venganza, nos ta exigi husticia”
- Yiu muher di victima di accidente fatal ta kibra silencio:“Mi mama a muri dilanti di mi wowonan”
- OM: Ex-manager di dos bar haya culpabel di traficacion di hende
- Gobierno Hulandes ta pidi ciudadano Hulandes na Venezuela pa registra urgentemente
- Thomas Domhoff ta huramenta como presidente nobo di Banco Central di Aruba
- Yiu homber di victimanan di accidente fatal: “Nos no ta pidi venganza, nos ta exigi husticia”
- Yiu muher di victima di accidente fatal ta kibra silencio:“Mi mama a muri dilanti di mi wowonan”
- OM: Ex-manager di dos bar haya culpabel di traficacion di hende
Gobierno Hulandes ta pidi ciudadano Hulandes na Venezuela pa registra urgentemente
ORANJESTAD – Ministerio di Asuntonan Exterior di Reino Hulandes, pa medio di Departamento di Relacionnan Exterior Aruba (DBB), a emiti un aviso urgente na tur ciudadano cu nacionalidad Hulandes cu ta actualmente na Caracas, Venezuela, pa inscribi mesora den e Servicio di Informacion di Ministerio di Asuntonan Exterior. E medida ta bin despues di e fuerte temblornan cu recientemente a sacudi diferente parti di Venezuela, incluyendo Caracas y La Guaira.
Segun e comunicado, e inscripcion ta importante pa Gobierno di Reino Hulandes por tin un bista cla di cuanto ciudadano Hulandes ta den e areanan afecta. Di e manera aki, autoridadnan por brinda asistencia mas lihé y eficas den caso cu e situacion empeora of si tin necesidad di evacua ciudadano Hulandes.
Personanan cu ta registra den e sistema lo ricibi informacion oficial y actualisa tocante e situacion di seguridad, consehonan di biahe y posible opcionnan di salida for di Venezuela, si esakinan bira necesario. Gobierno ta enfatisa cu registra ta un paso importante pa garantisa cu ciudadano Hulandes por wordo localisa y informa na tempo den caso di emergencia.
Ministerio di Asuntonan Exterior ta conseha tambe tur persona cu ta den e region afecta pa evalua cuidadosamente nan situacion y, si ta seguro y posibel, considera sali for di e area. Mientras tanto, autoridadnan ta recomenda pa sigui atentamente tur consehonan oficial y mantene nan mes bon informa tocante e desaroyonan den Venezuela.