Mientras ta elimina buelo di New York, JetBlue ta aumenta mas buelo pa Aruba for di Ft Lauderdale

FT LAUDERDALE – Mientras cu e compania di aviacion JetBlue a anuncia e siman aki cu ta corta buelo pa Aruba for di destinacion manera New York, debi na demanda pober, e la anuncia awor cu e ta ta amplia su servicio pa Caribe durante verano di 2026, añadiendo mas buelo entre Fort Lauderdale y tres destinacionnan hopi popular: Aruba, Sint Maarten y Santo Domingo. Asina e portal Carib Journal ta raporta. Cuminsando 9 di juli, JetBlue lo ofrece buelo diario pa Aruba y St. Maarten, mientras Santo Domingo lo ricibi un segundo buelo diario. E decision aki ta confirma cu americano ta sigui scoge Caribe mas cu nunca pa nan vacacion di verano. Segun e raportahe, Aruba ta sigui uno di e destinonan mas fuerte den Caribe danki na su beach amplio, clima seco, solo confiabel y acceso facil for di Merca. E isla tambe ta beneficia di su posicion pafor di principal zona di horcan, algo cu ta atray hopi turista durante luna di juli y augustus.

 DEMANDA FUERTE

JetBlue ta mira cu demanda pa Aruba ta fuerte tanto durante invierno como verano. Un bentaha importante pa Aruba ta cu pasaheronan por pasa control di aduana americano na Aruba mes, gracias na sistema di “US preclearance”, permitiendo nan yega na Merca como pasajero domestico. Na St. Maarten, e aerolinea lo aumenta buelonan for di cuatro biahe pa siman pa servicio diario. E isla ta sigui popular pa su mezcla unico di restaurante frances, nightlife hulandes y conexion rapido pa otro islanan manera Anguilla, Saba y St. Barths. Mientras tanto, Santo Domingo ta mira mas demanda di turista cu ta combina estadia den ciudad cu vacacion di playa y golf den Republica Dominicana. JetBlue ta continua amplia su presencia den Caribe, specialmente for di Florida, paso aerolineanan ta mira cu demanda pa vacacion caribe ta permanece hopi fuerte apesar di prijs di ticket y hotel cu a subi.