Aruba ta conoce su di tres miyonario pa 2026 cu Lotto

ORANJESTAD – Fortuna un biaha mas a bati porta na Aruba, despues cu e isla oficialmente a conoce su di tres ganador miyonario pa aña 2026 danki na Lotto Aruba. E feliz ganador mas reciente, conoci como “Luz”, a presenta su mes awe mainta trempan na oficina di Lotto pa cobra su impresionante premio di Afl. 1.425.000 cu e la gana cu Mini Mega y Mega Plus.

Segun informacion comparti door di Lotto, Luz tabata hunga su numbernan “vast” na Kas Ariba Lottery, y precisamente e numbernan ey a bira e combinacion ganador durante e sorteo miyonario di diabierna ultimo.

E emocion tabata grandi na oficina di Lotto ora cu e premio miyonario oficialmente a wordo entrega. Cu esaki, Aruba awor oficialmente tin su di tres miyonario nobo pa 2026, algo cu ta sigui crea entusiasmo entre hungadornan local.

Lotto Aruba a felicita e ganador y a enfatisa cu cada sorteo ta sigui brinda oportunidadnan grandi pa personanan cu ta soñando di cambia nan bida cu un solo boleto.

Pabien na e feliz miyonario!