CHTA: Turismo na Aruba ta 'explota': Mas buelo, resortnan nobo y enfoke riba turismo sostenible

MIAMI - Turismo na Aruba ta sigui crece rapidamente. Segun un informe nobo di Caribbean Hotel and Tourism Association  (CHTA) y Amadeus, Aruba a registra un aumento di 10 porciento den yegada di turista entre april 2025 y april 2026.

E crecemiento ta wordo impulsa door di mas buelo internacional, expansion di hotelnan y demanda creciente pa estadianan mas largo den Caribe. Aruba tin actualmente un  di e red di vuelo directo mas grandi den Caribe, cu conexion directo cu ciudadnan manera New York, Miami, Toronto, Montreal, Atlanta y Chicago.

E articulo ta destaca cu Aruba ta beneficia hopi di su posicion pafo di “hurricane belt”, algo cu ta haci e isla atractivo durante henter aña. E clima relativamente seco y estable ta contribui na ocupacion fuerte di hotelnan y mas vuelo durante temporada di verano y otoño.

Area di Palm Beach ta sigui e motor principal di economia turistico di Aruba. Resortnan manera The Ritz-Carlton Aruba, Hyatt Regency Aruba Resort Spa and Casino, Hilton Aruba Caribbean Resort and Casino y Marriott Aruba Resort and Stellaris Casino ta sigui atrae miles di bishitante. Recientemente, apertura di The St. Regis Aruba Resort y e mas nobo The Westerly a amplia ainda mas oferta di luho na isla.

Sector gastronomico di Aruba tambe ta creciendo. Restaurantnan popular manera Zeerovers, Flying Fishbone y Papiamento Restaurant ta convirtiendo Aruba den un destino culinario importante den Caribe.

Na Eagle Beach, hotelnan manera Bucuti & Tara Beach Resort y Manchebo Beach Resort & Spa ta beneficia di creciente demanda pa estadianan largo y alojamiento mas tranquilo.

Segun e reportahe, Aruba no kier solamente mas turista, pero un crecimiento cu ta balansa economia, calidad di bida y proteccion ambiental pa futuro di isla.