Ex minister Plasterk ta critica bishita extenso di Jetten na seis islanan di Reino

AMSTERDAM – Ex-minister di Relacionnan di Reino Ronald Plasterk a critica  prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.

Den su columna den De Telegraaf, Plasterk a bisa cu asunto di Relacionnan di Reino oficialmente ta responsabilidad di secretario di estado Eric van der Burg y no directamente di e prome minister. Segun e, Jetten ta invadi un cartera cu no ta pertenece directamente na dje.

INTENSIDAD DI BISHITA

Plasterk a cuestiona tambe e intensidad di e bishitanan y promocionnan di Jetten riba red socialnan durante su tour door di e seis islanan di Reino. E ex-minister a bisa cu Hulanda actualmente ta enfrenta problema serio manera crisis di vivienda, migracion y tension internacional, y cu e prioridadnan mester tabata otro.

Durante su bishita na Aruba, Jetten a participa den diferente actividadnan y reunionnan relaciona cu proyecto di infrastructura, energia, cooperacion den Reino y desaroyo economico.

Plasterk, kende anteriormente a ocupa e cartera di Relacionnan di Reino pa cinco aña, a compara e situacion cu tempo di ex-prome minister Mark Rutte, kende segun, e tabata mucho mas cauteloso y distante den maneho di asuntonan Caribeño