Raad van State: Hulanda no a demonstra pakico Aruba mester ley pa kita nacionalidad di terroristanan

ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci   e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.

LEY TEMPORAL

E ley temporal aki a wordo introduci na 2017 pa proteha siguridad nacional y pa evita cu personanan cu tin conexion cu terrorismo drenta Reino Hulandes. Gobierno kier cu e medida no caduca na maart 2027.

NO SUFICIENTE

Sinembargo, Raad van State ta bisa cu gobierno no a splica claramente pakico otro medidanan, manera ley penal, no ta suficiente pa proteha siguridad nacional. Tambe no ta cla cua  ta e balor agrega di e ley pa Aruba, Corsou y Sint Maarten, paso e propuesta ta aplica tambe pa e paisnan ey.

PROPUESTA

Como conclusion principal, Raad van State ta aconseha gobierno pa no manda e propuesta di ley pa Parlamento den Hulanda ni na Staten di Aruba, Corsou y Sint Maarten, tenzij cu e propuesta wordo adapta y mihor fundamenta. E conseho ta propone tambe cu, si gobierno no por comproba necesidad di e ley permanente, nan por considera prolonga e medida temporalmente pa cinco aña mientras cu nan haci mas investigacion.