Crucero cu parada na Aruba a reporta mas di 110 caso di norovirus

MIAMI - Mas di 110 persona a bira malo durante un brote di norovirus abordo di crucero Caribbean Princess, cu tabata tin Aruba entre su paradanan programa.

Segun Centers for Disease Control and Prevention (CDC), 102 pasahero y 13 tripulante a reporta sintomanan manera sacamento y diarrea durante e biahe. E crucero a sali di Fort Lauderdale dia 28 di april pa un crucero di casi dos siman cu paradanan na Aruba, Boneiru, Puerto Rico, Bahamas y otro destino.

E compania Princess Cruises a confirma cu e cantidad di caso tabata limita y cu mayoria di e pasientenan tabata cu sintomanan leve. Segun compania, nan a desinfecta e barco completo y a implementa medidanan adicional di limpieza durante e biahe. Pasaheronan y tripulantenan malo tambe a wordo pone den aislamiento.

CDC a indica cu e barco lo haya un limpieza profundo ora e yega na Port Canaveral dia 11 di mei, prome cu e sali pa su siguiente crucero.

Autoridadnan sanitario ta bisa cu norovirus ta frecuente den lugarnan unda hopi hende ta hunto den espacio sera, manera cruceronan, casnan di cuido y guarderia, algo cu ta facilita contagio y detectamento rapido di outbreaknan.