Na Hulanda, rapper Ali B ta bay casaccion, pero por warda e proceso den libertad

AMSTERDAM – E conoci rapper hulandes Ali B a dicidi di bay den casacion na Hoge Raad, e maximo corte na Hulanda, despues cu corte di apelacion a condene   awe mainta na tres aña di prizon pa dos caso di violacion. E sentencia nobo ta mas halto cu e castigo cu el a ricibi anteriormente, y tambe mas halto cu loke Ministerio Publico tabata pidi.

Segun Ministerio Publico, Ali B no mester bay prizon ainda, pues cu por lo menos pa awor, no tin miedo cu e lo hui for di pais. Nan a bisa cu su famia ta biba na Hulanda y esey ta un factor importante.

Su abogado, Bart Swier, a bisa cu Ali B ta haya e sentencia “doloroso” y cu e rapper a reacciona “surprendi, desilusiona, pero combativo”. Defensa no ta di acuerdo cu varios conclusion di corte y ta kere cu Hoge Raad por revisa si ley y procedimiento a wordo aplica corectamente.

Casacion no ta un apelacion normal. Den e fase aki, Hoge Raad no ta revisa tur prueba di nobo, pero ta controla solamente si corte anterior a aplica ley correctamente y sigui tur regla hudicial manera mester.

Abogado di Ali B ta calcula cu e proceso di casacion por dura alrededor di un aña. Te ora ey, Ali B no mester drenta prizon.