Arubahuis cu studiantenan di Aruba ta honra Boy Ecury cu krans na Waalsdorpervlakte

DEN HAAG - Un delegacion di Arubahuis hunto cu studiantenan Arubiano, a pone un krans na Waalsdorpervlakte na Dodenherdenking den Den Haag. E lugar tin gran significado historico, pasobra ay a fusila miembronan di resistencia durante Second World War, incluyendo e hoben Arubiano Boy Ecury.

E acto, cu a inclui dos minuut di silencio y colocacion di krans, ta un tradicion importante pa mantene bibo e memoria di esnan cu a sacrifica nan bida pa libertad.