Grupo cu a bandona partido PVV a forma partido nobo DNA

DEN HAAG - Un grupo politico nobo na Hulanda, yama De Nederlandse Alliantie (DNA), a wordo funda pa Gidi Markuszower y su grupo. Ex-minister Rita Verdonk a uni cu e iniciativa como asesora y coach pa yuda e partido nobo.

E partido ta habri pa tur hende bira miembro, algo cu segun e grupo tabata un falta importante den PVV, unda nan a sali anteriormente. Markuszower y su grupo a separa di PVV na januari pa motibo di desacuerdo riba direccion di partido, falta di participacion y cooperacion cu otro partido.

Ainda no ta cla ken lo bira lider di e partido, pero nan ta buscando colaboracion cu otro figura politico, incluyendo posibilidad di traha hunto cu Mona Keijzer.

DNA ta pone enfoke riba control di inmigracion, frontera mas fuerte y menos carga financiero pa ciudadano. Segun Markuszower, e meta ta pa no solamente papia di problema, pero tambe ofrece solucion.