Gabinete Jetten ta activa plan nacional di crisis pa petroleo pa tension creciente den Medio Oriente

DEN HAAG – Gabinete Jetten a decide pa activa fase 1 di e plan nacional di crisis pa petroleo, pa motibo di tension creciente den Medio Oriente, incluyendo reportahenan reciente di atake riba barconan den estrecho di Hormuz.

Ta prome biaha cu gabinete ta activa e fase aki, cu ta wordo conoci como fase di alerta. Cu esaki, gobierno ta prepara pa eventual problema cu suministro di petroleo y combustible, apesar cu ainda no tin escasez directo na Hulanda.

Pa momento, conductor y empresarionan no tin cu preocupa pa restriccionnan, pero tras di escena gobierno ta fortalece su estructura di crisis y ta monitorea situacion di cerca. E plan di crisis a wordo crea na 2023 despues di guerra di Rusia contra Ucrania, cu a causa gran incertidumbre riba energia.

Den fase 1, enfoke principal ta riba preparacion y coordinacion. Autoridadnan ta controla nivel di stock di petroleo y diesel, suministro internacional y ta intensifica dialogo cu sectornan grandi usuario di combustible, manera transporte, refineria y agricultura.

Hulanda ta un actor importante den mercado di petroleo europeo, pa motibo di su puerto grandi, almacenahenan y refinerianan, especialmente na Rotterdam. Pais ta importa hopi petroleo bruto, procesa esaki y exporta combustible, sin escasez fisico pa momento.

Gobierno ta evalua paso siguiente si situacion empeora. Den fase siguiente, lo por tin yamadanan voluntario pa reduci consumo. Si escasez bira serio, sectornan critico manera emergencia, salubridad, transporte di cuminda y defensa lo ricibi prioridad.

Den fase 2, gobierno lo bisa pueblo y empresa pa usa menos combustible (voluntario). Den fase 3, medida obligatorio por wordo aplica, manera baha velocidad of limita produccion. Solamente den fase 4 lo tin un crisis real cu incluso racionamento.

Ademas, gabinete lo presenta un “Iran-paket” pa suavisa impacto financiero di prijs halto di energia y combustible. E pakete incluye aumento di kilometro vergoeding, reduccion di belasting pa cierto empresarionan, y mas fondo pa apoyo di energia y aislacion. Costo total ta cerca 1 biyon euro.

Resumen corto:

Gobierno di Hulanda a activa fase di alerta pa un posible crisis di petroleo pa motibo di tension den Medio Oriente. Aun no tin escasez, pero preparacion ta na marcha y plannan tin pa proteha suministro y economia si situacion empeora.