Pieters (PPA) na Den Haag: Autonomia di Aruba no ta negociabel, HOFA ta amenaza Status Aparte

ORANJESTAD/ DEN HAAG - Fraccion di PPA a biaha pa Hulanda pa un serie di reunionnan strategico na Den Haag, cu meta principal pa defende e Status Aparte di Aruba y discuti e propuesta di Rijkswet HOFA.

Durante e bishita, PPA lo reuni cu politiconan di Tweede y Eerste Kamer pa expresa nan preocupacion cu e ley y enfatisa cu autonomia di Aruba no ta negociabel. Segun lider Eduard Pieters, e partido ta determina pa proteha e derecho di Aruba pa maneha su propio asuntonan.

PPA ta alerta cu tin desaroyonan cu por debilita autonomia y hasta hiba Aruba bek na situacion di prome 1986. E fraccion ta comprometi pa para firme contra esaki y mantene pueblo informa riba resultado di e reunionnan.