Gente de Zona, Ruben Blades y TOTO confirma pa Curacao North Sea Jazz 2026

WILLEMSTAD – E prome nombernan pa e proximo edicion di Caribbean North Jazz Festival (CNJS) 2026 na Corsou a wordo confirma oficialmente, y e lista ta mustra un combinacion impresionante di talento internacional cu lo pone Caribe den spotlight mundial un biaha mas. E festival su fechanan ta 3, 4 y 5 di September 2026.

E LINE UP 

Segun informacion anuncia, publico por spera presentacion di grupo cubano famoso Gente de Zona, e leyenda di salsa Rubén Blades cu su “Fotografías Tour” hunto cu Roberto Delgado Big Band, e banda iconico Toto, e grupo legendario di zouk Kassav’, y tambe e multi-talentoso artista americano Jon Batiste.

COMBINACION

E combinacion di estilo musical – for di salsa, latin pop y jazz te rock y musica caribeña – ta mustra cu CNJS ta sigui mantene su reputacion como uno di e festivalnan mas variá y prestigioso den region. Cada aña, e evento ta atrae miles di bishitante, tanto turista como localnan, cu ta bay disfruta musica di alto nivel den un ambiente unico.

PROME RONDA 

Organisadornan a indica cu esaki ta solamente e prome ronda di anuncio, y cu mas artista lo wordo agrega den e line-up den e luna nan benidero. Esaki ta crea aun mas expectativa rond di e edicion di 2026, cu hopi hende ya ta considera como uno di e mas grandi hasta awor.

CNSJ

CNJS na Corsou a bira un punto fijo riba calendario cultural di Caribe, y cu e confirmacion di e artista nan aki, e festival ta pone un fundacion fuerte pa un otro aña di exito.

Mas detaye riba fecha exacto, bentanan di entrada y otro actividadnan lo wordo comunica pronto.