Na Corsou, Ronaldinho a ‘steal the show’ durante Legends Tournament

WILLEMSTAD – Corsou a logra clasifica mesora pa siguiente ronda di e Legends Football Tournament riba prome dia di wega. E ekipo a registra resultadonan convincente den un estadio yen y a entrega un di e actuacionnan mas destaca di anochi. Segun e organisacion, e torneo a atrae hopi publico na estadio Capital Ç, unda fanaticonan a bin mira ex-hungadornan di top for di diferente pais. Corsou a gana Hulanda cu 5-2 y tambe a hunga empate contra Spaña (2-2) y Brasil (3-3). Cu esey, nan clasificacion pa e siguiente fase di e torneo ta sigur.

Tambe otro paisnan manera Argentina y Brasil a logra gana nan prome partidonan, cu varios duelo yen di gol cu a entretene e publico. E ex-streya brasiliano Ronaldinho tabata e gran atraccion di anochi y a ricibi hopi atencion di e publico, apesar di presencia di otro nombernan internacional den ekipo manera Italia y Spaña.

E Legends Football Tournament lo continua awe cu e restante partidonan di grupo, sigui pa semifinalnan y e final.