Babyface, Jodeci y Deon Cole ta den Soul Beach Festival 2026 na Corsou

WILLEMSTAD – Soul Beach Music Festival 2026, organiza na Corsou, diamars a revela un lineup di artista di alto nivel pa e evento cu lo tuma lugar di 20 te 25 di mei. Entre e nombernan grandi ta e legendario cantante y productor Babyface, grupo R&B Jodeci, y comediante Deon Cole. E festival lo inclui concierto, comedy night y afterpartynan, cu DJ internacional manera DJ Jazzy Jeff y DJ Spinderella encargando e ambiente musical durante e weekend di Memorial Day.

Organisadornan ta destaca cu e evento no ta solamente musica, pero un experiencia cultural completo, combinando entretenimiento, turismo di luho y cultura caribeño. Corsou ta posiciona su mes como un destino dinamico pa evento internacional, cu mas conexion aereo y atractivo pa bishitantenan di tur mundo.

Segun directornan di turismo, e festival ta un oportunidad pa mustra identidad, ritmo y cultura di e isla, mientras cu organizadornan ta bisa cu e evento lo ofrece un experiencia unico cu mezcla musica, humor y ambiente tropical.

Soul Beach Festival 2026 lo inclui actividadnan manera excursion, fiesta na playa, concierto grandi y evento exclusivo, convirtiendo Corsou den un centro di entretenimiento global durante e periodo aki.