Corsou ta cay duro contra Australia: 5-1 den FIFA Series

MELBOURNE - Seleccion di Corsou di futbol a sufri un derota fuerte di 5-1 contra Australia den un partido amistoso di FIFA Series na Melbourne. Ta e di dos derota consecutivo bou di e nobo entrenador Fred Rutten, despues cu Dick Advocaat a laga e puesto pa motibo personal.

Corsou a cuminsa bon y a mustra resistencia, cu Tahith Chong creando peligro, pero Australia a habri e score despues di un error defensivo di Leandro Bacuna.

Despues di pausa,   Corsou a logra empata 1-1 danki na un gol di Arjany Martha, pero den e ultimo parti di e wega Australia a domina completamente. Golnan di Awer Mabil, Alessandro Circati, Jordan Bos y Nestory Irankunda a sela e derrota grandi.

E resultado ta pone presion riba   Corsou, cu tambe a perde anteriormente 2-0 contra China. Aunke nan ta clasifica pa Mundial, e forma actual ta laga preocupacion pa e torneo, unda nan lo enfrenta Alemania, Costa di Marfil y Ecuador.