FBI ta ofrece recompensa nobo pa Amy Bradley desapareci riba crucero pa Corsou

MIAMI/ WILLEMSTAD - Casi 28 aña despues cu Amy Bradley a desaparece misteriosamente durante un crucero den Caribe, autoridadnan di Merca, incluyendo FBI, a anuncia un recompensa nobo di $25.000 pa informacion cu por yuda resolbe e caso.

Amy Bradley, un hende hoben di 23 aña, a desaparece na 1998 for di e barco Rhapsody of the Seas mientras e tabata di vacacion cu su famia. Te awor, nunca a haya un rastro confirma di dje.

Durante añanan, tin hopi teoria tocante su desaparicion: algun ta kere cu e a cay den laman, otro ta sospecha secuestro of trafico humano. Tambe tin reportenan di hende cu a bisa nan a mire riba diferente isla den Caribe, pero ningun di esnan no a wordo confirma.

Su famia nunca a para di buske y ta sigui kere cu e por ta bibo ainda. FBI su decision pa ofrece recompensa nobo ta un intento pa haya informacion fresco y finalmente resolve un di e caso nan di desaparicion mas misterioso den historia reciente